फूलपाखरांचे अद्भुत स्थलांतर

फूलपाखरांचे  अद्भुत स्थलांतर

वर्षी पानगळीच्या ऋतूमध्ये कोट्यवधी मोनार्क फूलपाखरे कॅनडा आणि अमेरिकेच्या ग्रेट लेक्स भागातून दक्षिणेकडे स्थलांतर करतात. ती ३,२00 किलोमीटर प्रवास करून हिवाळ्यात मध्य मेक्सिकोत पोहोचतात. हे एक नैसर्गिक आश्‍चर्य आहे; कारण आदल्या वर्षीच्या आणि पुढच्या वर्षीच्या फूलपाखरांमध्ये ५ पिढय़ांचे अंतर असते. तरीही ही फूलपाखरे ठराविक ठिकाणी वास्तव्यास जातातच; पण ती वर्षानुवर्षे खरे म्हणजे हजारो वर्षे ठाराविक मार्गानेच जातात. ठराविक झाडांवरच वाटेत वास्तव्यास उतरतात. त्यांच्यामुळे आकाश काळवंडून जाते, असे त्यांचे ढग विहरत असतात. ठराविक तारखेला ती ठराविक ठिकाणी पोहोचतात. त्यामुळे आता त्यांचा मार्ग पर्यटकांचे आकर्षण झाले आहे.