Computer Hackers हॅकरचे उद्देश
बर्‍याचदा हॅकरना आपले ज्ञान किती प्रगत झाले आहे, किती अवघड आणि मोठय़ा सर्व्हरमध्ये आपण शिरू शकतो, याचा अंदाज घ्यायचा असतो. आपले ज्ञान आणि बुद्धी अशा प्रकारे अजमावून पाहण्याची, त्यातून थ्रिलिंग व समाधान मिळविण्याची त्यांची इच्छा असते. मात्र, यासाठी संगणकशास्त्राचे चांगले ज्ञान, भरपूर वेळ आणि कमालीचा संयम त्यांना ठेवावा लागतो.
हॅकरचा इतिहास पाहिला, तर त्यात शाळकरी मुले व कोवळे तरुण यांचा भरणा दिसतो. किती तरी शाळकरी वयाचे हॅकर वर्षानुवर्षे तुरुंगात खितपत पडल्याची, तुरुंगात संशयास्पद स्थितीत मरण पावल्याची उदाहरणे आहेत.
जॉन द रीपरसारखी टुल्स आता कालबाह्य झाली आहेत. ती वापरून पासवर्ड क्रॅक होण्याची शक्यता आता फारच दुरापास्त आहे. बर्‍याचदा तीनदा चुकीचा पासवर्ड टाइप केल्यानंतर तुमचा पासवर्ड लॉक करण्याची पद्धत बँका किंवा तत्सम संस्थांच्या वेबसाईटवर आजकाल दिसते. यामागील कारणही सुरक्षा हेच आहे.
आता अनेक बुद्धिमान हॅकर हे सरकारच्या वा मोठय़ा कंपन्यांच्या सेवेत सल्लागार म्हणून गेलेले दिसतात. एके काळी एफबीआयच्या टेन मोस्ट वाँटेड लीस्टमध्ये असलेला भारी हॅकर केविन मिटनीकदेखील आता सल्लागारी पेशात आहे.
No comments:
Post a Comment